జనవరిలో జరిగిన భారత్ మొబిలిటీ గ్లోబల్ ఎక్స్పో 2025 లో ఈ-విటారాను ప్రదర్శించారు. ఇది రాబోయే కొన్ని నెలల్లో మారుతి సుజుకి మోస్ట్-అవైటెడ్ ఎలక్ట్రిక్ ఎస్యూవీ ఈ-విటారాను లాంచ్ చేయబోతోంది. లాంచ్కు సరిగ్గా ముందు బ్లాక్ కలర్ లో ఉన్న మారుతి సుజుకి ఈ-విటారా కారు ఎలాంటి కవర్ లేకుండా బయట కనిపించింది. ఈ-విటారా కారు మారుతి గుర్గావ్ క్యాంపస్ బయట కనిపించింది. టెస్టింగ్ చేస్తున్నప్పుడు కనిపించిన ఈ 'ఈ-విటారా' మోడల్ మీద అదే పేరుతో ఉన్న బ్యాడ్జ్ ఉంది. ఇది బ్లాక్ కలర్లో ఉంది. దీని డిజైన్ చూస్తే కనెక్టెడ్ ఎల్ఈడీ టెయిల్ ల్యాంప్స్, వెనుక బంపర్లో కొంచెం యాంగిల్స్ ఉన్న డిజైన్, ఇంకా బోల్డ్, స్టైలిష్ లుక్ తో చాలా షార్ప్గా, మోడర్న్గా కనిపిస్తుంది. దీని పాలిగోనల్ వీల్ ఆర్చెస్, బాడీ క్లాడింగ్, ఇంకా ఏరో-స్టైల్ ఉన్న డ్యూయల్-టోన్ అల్లాయ్ వీల్స్ ఈ కారుకు మరింత ఎస్ యూవి లుక్ను ఇస్తున్నాయి. కారు వెనుక భాగంలో సి-పిల్లర్ మీద మారుతి కంపెనీకి ప్రత్యేకమైన సిగ్నేచర్ డిజైన్ ఎలిమెంట్ ఉన్న వెనుక డోర్ హ్యాండిల్స్ కూడా కనిపించాయి. ఈ స్పై షాట్స్లో కనిపించిన వివరాలు.. గతంలో పేటెంట్ లీక్స్ ద్వారా బయటపడిన వివరాలతో సరిపోలుతున్నాయి. వాటిలో ముఖ్యంగా వెనుకవైపు ఉన్న స్పాయిలర్, చక్కగా మలిచిన సైడ్ ప్రొఫైల్, ఏరోడైనమిక్ డిజైన్ ఉన్నాయి. మొత్తంగా చూస్తే కారు చాలా బలంగా కనిపిస్తుంది. కానీ, ఇది మన దేశంతో పాటు ప్రపంచవ్యాప్తంగా ఉన్న కస్టమర్లను ఆకట్టుకునేలా ఉంది. మారుతి సుజుకి ఈ-విటారాలో కస్టమర్లకు రెండు రకాల బ్యాటరీ ప్యాక్ల ఆప్షన్ ఇస్తారు. అవి 48.8 kWh, 61.1 kWh యూనిట్లు. కంపెనీ చెప్పిన దాని ప్రకారం, ఈ-విటారా ఒకే ఛార్జ్తో 500 కిలోమీటర్లకు పైగా దూరం ప్రయాణించగలదట. కారు కేబిన్ విషయానికొస్తే.. ఇందులో డిజిటల్ ఇన్స్ట్రుమెంట్ కన్సోల్, 360-డిగ్రీ కెమెరా సిస్టమ్, వెంటిలేటెడ్ ఫ్రంట్ సీట్లు, పనోరమిక్ సన్రూఫ్, లెవల్-2 ADAS, పవర్ అడ్జస్టబుల్ డ్రైవర్ సీట్, ఆటోమేటిక్ క్లైమేట్ కంట్రోల్ లాంటి అదిరిపోయే ఫీచర్లు ఉంటాయి. ఈ-విటారా కారు డెల్టా, జీటా, ఆల్ఫా అనే మూడు రకాల ట్రిమ్స్లో అందుబాటులో ఉంటుంది.
