యూఎస్ఏలోని న్యూయార్క్లోని బ్రూక్లిన్ లో జులై 9న గెలాక్సీ అన్ప్యాక్డ్ 2025 ఈవెంట్ ను నిర్వహించనుంది. దీనిలో శామ్సంగ్ గెలాక్సీ జెడ్ ఫోల్డ్-7, గెలాక్సీ జెడ్ ఫ్లిప్ 7ని లాంచ్ చేసే అవకాశాలున్నాయి. దాంతో పాటు గెలాక్సీ వాచ్-8 సిరీస్, ఇటీవల విడుదల చేసిన గెలాక్సీ బర్డ్స్ కోర్ పరిచయం చేసే అవకాశం ఉంది. ఈ కార్యక్రమం భారత కాలమానం ప్రకారం సాయంత్రం 7.30 గంటలకు జరుగనున్నది. ఈ కార్యక్రమాన్ని శామ్సంగ్, యూట్యూబ్ ఛానెల్లో ప్రత్యక్ష ప్రసారం చేయనున్నది. ఈ కార్యక్రమంలో కొత్త ఏఐ ఆధారిత ఇంటర్ఫేస్లతో నెక్ట్స్ జనరేషన్ గెలాక్సీ డివైజెస్ పరిచయం చేయనున్నట్లు శామ్సంగ్ పేర్కొంది. ఈ డివైజెస్ బ్రేక్త్రూ హార్డ్వేర్, గెలాక్సీ ఏఐ ఫీచర్స్, శామ్సంగ్ అద్భుతమైన క్రాఫ్ట్మ్యాన్షిప్తో వస్తాయని కంపెనీ తెలిపింది. పలు నివేదికల ప్రకారం.. శామ్సంగ్ ఈ కార్యక్రమంలో కొత్త జనరేషన్ ఫోల్డబుల్ డివైజెస్ను లాంచ్ చేయనున్నది. గెలాక్సీ జడ్ ఫోల్డ్ 7 ఇప్పటి వరకు అత్యంత సన్నని, తేలికైన, అత్యంత అధునాతనమైన ఫోల్డబుల్ ఫోన్గా పేర్కొంటున్నారు. నివేదికల ప్రకారం, శామ్సంగ్ ఈ కార్యక్రమంలో దాని ఫోల్డబుల్ పరికరాల కొత్త తరంను విడుదల చేయనుంది. గెలాక్సీ జెడ్ ఫోల్డ్-7 ఇప్పటివరకు అత్యంత సన్నని, తేలికైన మరియు అత్యంత అధునాతనమైన ఫోల్డబుల్ ఫోన్గా వర్ణించబడుతోంది. గెలాక్సీ జెడ్ ఫ్లిప్ 7 కొత్త ఎక్సినోస్ 2500 ప్రాసెసర్తో వచ్చే అవకాశం ఉంది. అలాగే, గెలాక్సీ జెడ్ ఫ్లిప్ ఎఫ్ఈ (ఫ్యాన్ ఎడిషన్)ని తీసుకువచ్చే అవకాశం ఉన్నది. ఈ సారి శామ్సంగ్ తన స్మార్ట్వాచ్ లైనప్ను కూడా విస్తరించే అవకాశం ఉంది. ఈ సారి గెలాక్సీ వాచ్ 8, వాచ్ 8 క్లాసిక్, వాచ్ అల్ట్రా 2025 మోడల్లను విడుదల చేయవచ్చని భావిస్తున్నారు. ఈ ఈవెంట్లో లాంచ్ చేయనున్న గెలాక్సీ బర్డ్స్ కోర్ను కంపెనీ టీజ్ చేసింది. ఈ ఈవెంట్లో శామ్సంగ్, గూగుల్ భాగస్వామ్యంలో అభివృద్ధి చేయబడుతున్న ప్రాజెక్ట్ మూహన్ ఎక్స్ఆర్ హెడ్సెట్పై అప్డేట్పై ప్రకటన చేసే అవకాశం ఉంది. అలాగే, చాలాకాలంగా వార్తల్లో ఉన్న శామ్సంగ్ తొలి ట్రై ఫోల్డ్ స్మార్ట్ఫోన్ను సైతం ప్లాట్ఫామ్ నుంచే ఆవిష్కరించే అవకాశాలున్నాయి.
