షియోమీ మిగిలిన రెడ్మీ నోట్ 14 సిరీస్ స్మార్ట్ఫోన్లను కూడా కొత్త సాండ్ గోల్డ్ రంగులో విడుదల చేసింది. ఈ ఫోన్లు కొత్త రంగులో మరింత అందంగా కనిపిస్తాయి. ఇప్పుడు ఇవి మునుపటి కంటే ఎక్కువ ప్రీమియం అనుభూతిని ఇస్తున్నాయి. ఈ ఫోన్లు ప్రస్తుతం ప్రపంచ మార్కెట్లలో కొత్త రంగు ఎంపికలతో లాంచ్ చేశారు. షియోమీ కొత్త గోల్డ్ కలర్ ఆప్షన్లో రెడ్మీ నోట్ 14 4జీ, రెడ్మీ నోట్ 14 ప్రో 4జీ, రెడ్మీ నోట్ 14 ప్రో 5జీలను మాత్రమే ప్రవేశపెట్టింది, ఇప్పుడు కస్టమర్లకు మరిన్ని ఎంపికలు ఇస్తున్నాయి. కంపెనీ సాండ్ గోల్డ్ కలర్లో బేస్ రెడ్మీ నోట్ 14 5జీ మోడల్ను పరిచయం చేయలేదు. రంగు తప్ప, ఫోన్ స్పెసిఫికేషన్లలో ఎటువంటి మార్పులు చేయలేదు. హార్డ్వేర్ మునుపటిలాగే ఉంది. మూడు మోడళ్లు ఇప్పటికీ 1.5K రిజల్యూషన్,120Hz రిఫ్రెష్ రేట్తో 6.67-అంగుళాల పెద్ద AMOLED డిస్ప్లేతో వస్తున్నాయి. బేస్ రెడ్మీ నోట్ 14 4జీ 108-మెగాపిక్సెల్ + 2-మెగాపిక్సెల్ + 2-మెగాపిక్సెల్ ట్రిపుల్ కెమెరా సెటప్తో విడుదలైంది. అయితే రెండు ప్రో వేరియంట్లు 200-మెగాపిక్సెల్ + 8-మెగాపిక్సెల్ + 2-మెగాపిక్సెల్ కెమెరా సిస్టమ్ను కలిగి ఉన్నాయి. నోట్ 14 4G ఫోన్ మీడియాటెక్ , హీలియో G99 అల్ట్రా చిప్సెట్తో పనిచేస్తుంది, అయితే నోట్ 14 ప్రో 4Gలో హీలియో G100 అల్ట్రా ఉంది. రెడ్మీ నోట్ 14 ప్రో 5జీ డైమెన్సిటీ 7300 అల్ట్రా చిప్సెట్తో వస్తుంది.
