దేశీయ మార్కెట్లో ఐక్యూ నియో 10 త్వరలో విడుదల కానుంది. రాబోయే ఈ ఫోన్ను ఈ-కామర్స్ వెబ్సైట్ అమెజాన్లో జాబితా చేసింది. ఐక్యూ ఇండియా తన అధికారిక X హ్యాండిల్ ద్వారా ఈ ఫోన్ను లాంచ్ చేయడాన్ని ధృవీకరించింది. ఈ నెలలోనే ఇది లాంచ్ అవుతుందని భావిస్తున్నారు. ఐక్యూ తన పోస్ట్లో ఈ ఫోన్ డిజైన్ను కూడా టీజ్ చేసింది. దాని వెనుక ప్యానెల్లో డ్యూయల్ టోన్ డిజైన్ ఇవ్వచ్చు. ఇందులో ఆరెంజ్, వైట్ కలర్స్లో చూడవచ్చు. ఇది కాకుండా, ఫోన్ వెనుక భాగంలో డ్యూయల్ కెమెరా సెటప్ అందుబాటులో ఉంటుంది. ఈ ఫోన్ ఇటీవల అనేక సర్టిఫికేషన్ సైట్లలో లిస్ట్ అయింది. గీక్బెంచ్ జాబితా ప్రకారం.. ఐకూ నియో 10 క్వాల్కమ్ స్నాప్డ్రాగన్ 8s జెన్ 4 చిప్సెట్ ద్వారా పనిచేస్తుంది. ఇది కాకుండా, ఫోన్లో 12జీబీ ర్యామ్, 256జీబీ వరకు ఇంటర్నల్ స్టోరేజ్ ఉంటుంది. ఆండ్రాయిడ్ 15 ఆపరేటింగ్ సిస్టమ్పై రన్ అవుతుంది.దీనిలో 6.78-అంగుళాల ఫుల్ హెచ్డిప్లస్ అమోలెడ్ డిస్ప్లే ఉంది. ఈ డిస్ప్లే 144Hz రిఫ్రెష్ రేట్కు సపోర్ట్ ఇస్తుంది. ఇది కాకుండా, 7000mAh బ్యాటరీతో పాటు 120W ఫాస్ట్ ఛార్జింగ్ ఫీచర్ను ఫోన్లో అందించవచ్చు. ఈ ఐకూ ఫోన్ వెనుక భాగంలో డ్యూయల్ కెమెరా సెటప్ అందుబాటులో ఉంటుంది. దీనికి 50MP ప్రైమరీ, 8MP ద్వితీయ కెమెరా ఉంటుంది. సెల్ఫీ, వీడియో కాలింగ్ కోసం 16MP కెమెరా ఉంటుంది.
