హోండా యాక్టివాకు టీవీఎస్ జూపిటర్ గట్టి పోటీ ఇచ్చింది. హోండా యాక్టివా గత నెలలో 1,66,739 యూనిట్లను విక్రయించగా, గతేడాది ఇదే సమయానికి కంపెనీ 1,45,252 యూనిట్ల యాక్టివా స్కూటర్లను విక్రయించింది. ఈసారి ఈ స్కూటర్ 7,021 యూనిట్లను తక్కువగా విక్రయించింది. అయినప్పటికీ ఈ స్కూటర్ దాని విభాగంలో అత్యధికంగా అమ్ముడైన స్కూటర్గా నిలిచింది. గత నెలలో జూపిటర్ 1,07,847 యూనిట్లు అమ్ముడయ్యాయి. గత ఏడాది జుపిటర్ 74,225 యూనిట్లు మాత్రమే అమ్ముడయ్యాయి. ఈసారి కంపెనీ ఈ స్కూటర్ను మరో 33,622 యూనిట్లను విక్రయించింది. అంతే కాకుండా ఈ స్కూటర్ YOY వృద్ధి 45.30శాతం పెరిగింది. ఈసారి టీవీఎస్ జూపిటర్లో చాలా మార్పులు చేసింది. ఈ స్కూటర్ ఇప్పుడు మునుపటి కంటే మెరుగ్గా కనిపిస్తుంది. కొత్త జూపిటర్ డిజైన్, ఫీచర్లు, ఇంజన్ పరంగా అధునాతనంగా మారింది, అయితే యాక్టివా స్కూటర్లో కొత్తగా మార్పులేమి చేయలేదు. జూపిటర్ 110 స్కూటర్లో 113.3సిసి సింగిల్ సిలిండర్ ఇంజన్ ఉంది. ఇది ఫ్యూయల్ ఇంజెక్షన్ టెక్నాలజీతో వస్తుంది. ఈ ఇంజన్ 5.9 బిహెచ్పి పవర్, 9.8 ఎన్ఎమ్ టార్క్ రిలీజ్ చేస్తుంది. ఇందులో సివిటి గేర్బాక్స్ ఉంది. స్కూటర్ గరిష్ట వేగం గంటకు 82 కిమీ.
