ఆంధ్రప్రదేశ్ లోని విశాఖపట్నం గీతం విశ్వవిద్యాలయం లో భారీ కెరీర్ ఫెయిర్ జరగనుంది. దీనిని మార్చి 5, 6వ తేదీల్లో నిర్వహించనున్నారు. 2004, 2025 పాస్ అవుట్ అయిన టెక్, ఆర్ట్స్, సైన్స్, ఐటీఐ, పాలిటెక్నిక్ , డిప్లమా ఉత్తీర్ణులైన విద్యార్థులు పాల్గొనవచ్చు. ఆసక్తి ఉన్నవారు మార్చి 3వ తేదీలోపు ఆన్లైన్లో నమోదు చేసుకోవాలి. ముందుగా వచ్చిన వారికి మొదటి ప్రాధాన్యత ఉంటుంది. ఈ కెరీర్ ఫెయిర్ కు సంబంధించిన పోస్టర్ను మంత్రి నారా లోకేష్ ఆవిష్కరించారు. ఈ సందర్భంగా ఆయన మాట్లాడుతూ, "నిరుద్యోగ యువతకు ఇదొక సువర్ణావకాశం. ఈ కెరీర్ ఫెయిర్ ద్వారా, యువత తమ కలల కొలువును సొంతం చేసుకోవచ్చు. 49 అగ్రశ్రేణి కంపెనీలు ఈ ఫెయిర్లో పాల్గొంటున్నాయి. కాబట్టి, అర్హులైన అభ్యర్థులందరూ ఈ అవకాశాన్ని సద్వినియోగం చేసుకోవాలని కోరుతున్నాను" అని అన్నారు. ఈ భారీ కెరీర్ ఫెయిర్లో 49 అగ్రశ్రేణి ఐటీ , ఐటీ యేతర కంపెనీలు పాల్గొంటాయి. 10,000కు పైగా ఉద్యోగాలను భర్తీ చేయనున్నారు. వివిధ విభాగాల్లో ఉద్యోగావకాశాలు అందుబాటులో ఉన్నాయి. ప్రముఖ కంపెనీల ప్రతినిధులతో నేరుగా మాట్లాడే అవకాశం. ఉచిత నైపుణ్య శిక్షణ, కెరీర్ గైడెన్స్ వర్క్షాప్లు ఉంటాయి.
