తెలంగాణలోని నాగర్ కర్నూలు జిల్లా నల్లమల అడవుల్లో మరోసారి భారీ ఎత్తున మంటలు ఎగిసి పడుతున్నాయి. అమ్రమాబాద్ మండలం తాళ్ల చేలుక, గుండం ప్రాంతంలో అగ్ని జ్వాలలు చెలరేగాయి. ఎగిసి పడుతున్న మంటలను ఆర్పేందుకు అటవీ శాఖ అధికారులు ప్రయత్నిస్తున్నారు. ఈ మంటలతో భారీ ఎత్తున నష్టం వాటిల్లే ప్రమాదం ఉందని అటవీ అధికారులు అంచనా వేస్తున్నారు. అటవీ ప్రాంతానికి సమీపంలో ఉన్న గ్రామాల్లో ఎవరూ మంటలు వేయరాదని అటవీ అధికారులు సూచిస్తున్నారు. మంటలు వేసిన వారిపై శాఖపరమైన అధికారులు హెచ్చరిస్తున్నారు.
