ఉత్తరప్రదేశ్ కి చెందిన బీజేపీ ఎమ్మెల్యే యోగేశ్ శుక్లా కి చెందిన మీడియా విభాగంలో శ్రేష్ట తివారీ(23) అనే యువకుడు పని చేస్తున్నాడు. అతను ఓ అమ్మాయితో ప్రేమలో ఉన్నట్టు తెలుస్తోంది. వారిరువురికి మధ్య గొడవ జరిగింది. తీవ్ర మనస్తాపానికి గురైన యువకుడు ఎమ్మెల్యే నివాసంలో ప్రియురాలికి వీడియో కాల్ చేశాడు. తాను చనిపోతున్నట్లు హెచ్చరిస్తూ ఆమె ముందే ఉరి వేసుకుని ఆత్మహత్య చేసుకున్నాడు. ఆ సమయంలో ఎవరూ లేకపోవడంతో దారుణం చోటుచేసుకుంది. ప్రియురాలు పోలీసులకు సమాచారం అందించింది.యువకుడు సూసైడ్ చేసుకున్న గది తలుపు పగలగొట్టి చూడగా అప్పటికే ప్రాణాలు విడిచాడు. పోలీసులు ప్రియురాలి ఫోన్ స్వాధీనం చేసుకుని కేసు నమోదు చేసి దర్యాప్తు చేస్తున్నారు.
